Osiyo kubogi. Og'ir atletikachilarimizdan yana medallar shodasi

Bugun xotin-qizlar o'rtasida 63 hamda 69 kg. vazn toifalarida bellashuvlar o'tkazilib, ularning yakuniga ko'ra  63 kg. vazn toifasida chiqish qilgan Kumushxon Fayzullaeva umumiy 201 kg. natijasi bilan oltin medalga sazovor bo'lgan bo'lsa, 69 kg. vazn toifasida ishtirok etgan Tursunoy Jabborova 199 kg. og'irlikni o'ziga bo'ysundirib kumush medalini qo'lga kiritgandi.

Bundan bir necha daqiqa avval erkaklar o'rtasida 85 kg. vazn toifasidagi bellashuvlar ham yakunlandi. Ushbu vazn toifasida terma jamoamizning ikki nafar azosi g'oliblik uchun kurash olib bordi. Sunnatilla O'sarov dast ko'tarishda 158 kg, siltab ko'tarishda 186 kg, summada 344 kg. natija bilan musobaqaning kumush medaliga sazovor bo'ldi. Etiborlisi, Sunnatilla oltin medalni qo'lga kiritgan eronlik Ali Makvandiga bor yo'g'i 1 kilogrammga imkoniyatni boy berdi. Zero eronlik sportchi umumiy 345 kg. natijasi bilan birinchi o'rinni egalladi.

Ushbu vazn toifasida bronza medali ham o'zbekistonlik atletga nasib etdi.  Fayzullo Nabiev 148+189=337 kg. natijasi bilan uchinchi o'ringa loyiq ko'rildi. Ana shu tariqa bugungi bellashuvlar yakunlandi. Ertaga musobaqalar davom etadi va biz yurtdoshlarimizdan navbatdagi medallar va rekordlarni kutib qolamiz.