Osiyo-Okeaniya kurash konfederaciyasining 1-kongressiga O'zbekiston mezbonlik qildi

Kongressda IKA asoschi raisi Komil Yusupov, Osiyo-Okeaniya kurash konfederaciyasi prezidenti Komil Ro'ziev va hududiy federaciyalar rahbarlari hamda vakillari ishtirok etishdi. 

Kongress kun taritibiga asosan, 2017 yilning 15-24 sentyabr kunlari Turkmanistonning Ashxabod shahrida bo'lib o'tadigan Yopiq inshootlar va yakkakurashlar bo'yicha Osiyo o'yinlariga yuqori darajada tayyorgarlik ko'rish va o'tkazish, Dubay shahrida mezbonlik qiladigan navbatdan tashqari Kongress hujjatlarini tasdiqlash hamda tashkiliy masalalar ko'rib chiqildi. 
Osiyo o'yinlariga tayyorgarlik bo'yicha Turkmaniston Kurash Federaciyasi Prezidenti Mirzaquli Qurbonov va Indoneziya Kurash Federaciyasi Prezidenti Samsudinlarning axboroti tinglandi. 
Osiyo va Okeaniya qitalarida Kurashni keng targ'ib etish va rivojlantirish maqsadida Konfederaciya boshqaruv tizimida o'zgarishlar amalag oshirildi. 

Unga ko'ra: 

1. Birinchi vice-prezident: Yoxan Boshshof (Yangi Zellandiya)

2. Vice-prezident: Alisher Eshonxodjaev (O'zbekiston)

3. Vice-prezident: Bahrom Mo'minov (Qozog'iston)

4. Vice-prezident: Mirzaquli Qurbonov (Turkmaniston)

5. Vice-prezident: Samsudin (Indoneziya)

6.Bosh kotib: Farrux Saidqulov (O'zbekiston)

7.Texnik direktor: Ravi Kapur (Hindiston) etib saylandilar.

Qayd etish lozimki, Kurash azal-azaldan o'zbek xalqining eng sevimli qadriyatlaridan biri hisoblanadi. Kurash o'zida mardlik, halollik va oliyjanoblilik xislatlarini mujassam etganligi bilan ahamiyatlidir. SHu boisdan ham, bugungi kunga kelib dunyo uzra keng taraqqiy etib bormoqda. 

1998 yil Kurash Xalqaro Associaciyasi tasis etilib, uning tarkibida jahonning barcha qitasida Kurash Konfederaciyalari, 130 ga yaqin davlatda esa Kurash federaciyalari faoliyat olib bormoqda. 

Associaciyasi tarkibidagi Osiyo Kurash Konfederaciyasi 1999 yil tashkil etilgan bo'lib, qitamizda keng miqyosda Kurashni rivojlantirishga katta hissa qo'shdi. Osiyo o'yinlarining deyarli barcha turidan Kurash sporti rasman o'rin egalladi. 

Okeaniya Kurash Konfederaciyasi 2004 yil Yangi Zellandiyada tashkil etildi. Okeaniya qitasidagi qariyib barcha davlatlarda Kurash federaciyalari ochilib ushbu sport turi rivojlantirilmoqda. 

Zamonaviy sport tajribalaridan kelib chiqqan holda, ikki qitada ham kurash rivojini yanada oshirish maqsadida Konfederaciyalar birlashtirilib, 2017 yil 4 yanvar kuni Osiyo-Okeaniya Kurash Konfederaciyalari tashkil etildi. 

SHu kungacha Kurash Xalqaro Associaciyasi Prezidenti maslahatchisi sifatida faoliyat yuritib kelgan o'zbekistonlik Komil Ro'ziev Konfederaciya Prezidenti etib saylandi. Hozirda Konfederaciyaga 40 ga yaqin mamlakat federaciyalari azo hisoblanadi.