Osiyo o'yinlari-2026. Kurash bo'yicha vazn toifalari elon qilindi

Qitamizdagi eng nufuzli sport musobaqasi dasturidan bu safar ham milliy sport turimiz bo'lgan kurash o'rin oldi. Osiyo Olimpiya Kengashi (OCA) va barcha sport turlari texnik direktorlari bilan muhim uchrashuv bo'lib o'tdi. Musobaqaning aniq sanalari, vazn toifalari, o'tkaziladigan joy va tashkiliy jihatlari atroflicha muhokama qilindi.

Qayd etish joiz, kurash bo'yicha erkaklar va ayollar o'rtasida uchta vazn toifasi tasdiqlangan. Bu qaror birinchi navbatda ishtirokchilarning umumiy sonini cheklash uchun qabul qilingan. Dastlab tashkiliy qo'mita 13 ming sportchi uchun infratuzilma yaratishning imkoni yo'qligi, shu bois ishtirokchilarning umumiy sonini 10 ming nafarga kamaytirishga qaror qilingani haqida xabar bergan edi. Ushbu o'zgarish kurash, karate, ushu va boshqa ko'plab sport turlari bo'yicha vazn toifalarining qisqarishiga olib keldi.

Musobaqada ishtirok etayotgan kurashchilar boshqa sport turlari vakillari bilan birga Yaponiyaning Nagoya shahrida tutashadigan maxsus sayohat kemasiga joylashtiriladi. Suzuvchi mehmonxona 5000 ga yaqin sportchi va rasmiy delegaciya azolarini qabul qiladi.

Kurash musobaqalari 2026 yilning 27, 28 va 29 sentyabr kunlari bo'lib o'tadi. Musobaqa Aichi prefekturali jang sanatlari zalida bo'lib o'tadi. Ushbu arenada jiu-jitsu, otish va ushu bo'yicha musobaqalar o'tkazilishi rejalashtirilgan.

Osiyo o'yinlarining tantanali ochilish marosimi 19 sentyabr, yopilishi esa 4 oktyabrda bo'lib o'tadi. Tashkilotchilar marosimlarda 35 mingga yaqin mehmon kelishini kutmoqda.

XX yozgi Osiyo o'yinlarida kurash bo'yicha rasmiy vazn toifalari quyidagicha:

— Ayollar: -57 kg, -78 kg, +87 kg

— Erkaklar: -66 kg, -81 kg, +90 kg.