Osiyo o'yinlarining sakkizinchi kunini to'rtta medal bilan tugatdik: shulardan ikkitasi oltin!

Kun davomida o'zbekistonlik sportchilar 2 ta oltin va 2 ta bronza medallariga ega chiqishdi.

Sovrindorlarimiz:

Oltin:

Ibodatxon Agojonova (kurash)

SHohruhxon Bahtiyorov (kurash)

Bronza:

Qilichbozlik: sablya, jamoaviy, ayollar

Bekmurod Oltiboev (kurash)

Ushbu sahifa orqali o'zbekistonlik sportchilar qayd etayotgan natijalar bilan onlayn ravishda tanishib borishingiz mumkin bo'ldi.

17:55. Nayza Uloqtirish bahslarida Nargizaxon Qo'chqorova 60,97 metr natija bilan to'rtinchi bo'ldi. Bronzaga ozgina etmadi. Afsus...

17:15. O'nkurashda ishtirok etgan yigitlarimizdan Nodir Norboev to'rtinchi, Zahriddin SHokirov esa 6-o'rin bilan bahslarni yakunladi. Afsuski Norboevda medal uchun biroz etmadi...

16:50. SHarifa Davronova uzunlikka sakrash bahslarida 6,21 metrga sakradi va bahslarni 6-o'rinda yakunladi. Bu sportchimizning asosiy yo'nalishi uch xatlab sakrash ekanligini qo'shimcha qilib o'tishimiz lozim.

15:54. Og'ir vaznli bokschimiz Jahongir Zokirov tojikistonlik raqibiga xech qanday imkoniyat qoldirmadi (5:0) va yarim finalga yo'l oldi!

15:00. SHarifa Davronova uzunlikka sakrash bahslarida ishtirok etmoqda.

14:42. Qilichbozlik. Sablyachi qizlarimiz yarim finalda Yaponiyaga 33:45 hisobida mag'lub bo'lishdi. BIZDA BRONZA!

14:35. Tennis. Fomin/Sultonov juftlik Xitoy Taypeyi terma jamoasini 4:6, 6:3, 10:3 hisoblarida qiyinchilik bilan mag'lub etdi.

14:21. Bokschimiz Abdumalik Xalokov chorak finalda filippinlik raqibi ustidan ishonchli tarzda 5:0 hisobida g'alabaga erishdi. Yarim final!

13:49. Bokschimiz Navbahor Hamidova afsuski chorak finalda hindistonlik kuchli raqibasiga 0:5 hisobida imkoniyatni boy berdi.

13:30. O'q otish bo'yicha saralashdagi natijalarimiz:

25 metr, to'pponcha:
7. Nigina Saidqulova (290 ochko).

Trap:
5. Jamoaviy dastur (133 ochko)
7. Azamat Qayumov (48 ochko)
24. Oxunjon Abduqodirov (44 ochko)
34. Timur Enaliev (41 ochko)

13:00. Nagoyadagi yomg'ir sababli tennischi yigitlarimizning juftlikdagi o'yini to'xtab qoldi. Hozircha 4:6, 4:3 hisobida yutqazyapmiz.

11:25. OLTINNN!!!! Kurashda ikkinchi oltin! +90 kg vaznli SHohruhxon Bahtiyorov finalda tojikistonlik raqibini mag'lubiyatga uchratib, oltin medalga sazovor bo'ldi! O'zbekistonda o'ninchi oltin!

11:10. OLTINNNN!!!! Kurashchimiz Ibodatxon Agojonova (-57 kg) finalda Xitoy Taypeyi vakilasini mag'lubiyatga uchratdi va oltin medalga sazovor bo'ldi! O'zbekistonda 9-oltin!

10:40. Gandbol. Ayollar terma jamoamiz Gonkongni 28:27 hisobida mag'lubiyatga uchratdi.

10:35. Kurash. SHohruhxon Bahtiyorov Bekmurod Oltiboevni mag'lubiyatga uchratib, finalga yo'l oldi. Oltiboevda bronza!

10:18. Kurash. Ibodatxon Agojonova yaponiyalik raqibasini halol bahosi evaziga mag'lubiyatga uchratib, finalga yo'l oldi.

9:40. Dayving, yani suvga sakrashda Abdulvahob Vahobov/Amal Mavlonov tandemi bahslarni medalsiz yakunladi.

9:33. Sinxron suzish. Anastasiya Baxtiyorova/Violetta Evenko tandemi final bahslarini 4-o'rinda yakunladi.

9:32. CHim ustida xokkey. Ayollar terma jamoamiz Indoneziyani 2:1 hisobida mag'lubiyatga uchratdi.

9:30. Engil atletika. Ko'pkurashchimiz Nodir Norboev langarcho'pga tayanib sakrash mashqlaridan so'ng onlayn jadvalda birinchi o'ringa ko'tarilib oldi.

9:22. Qilichbozlik. Sablyachi qizlarimiz jamoaviy bahslarda Hindistonni 45:35 hisobida mag'lubiyatga uchratib, yarim finalga chiqishdi.

9:20. Sevil Yuldasheva eronlik raqibasiga 5:7. 3:6 hisoblarida yutqazdi. 

9:19. Tennis. Darya SHubina Osiyo o'yinlariga borib gonkonglik raqibasiga qarshi ikkita geym o'ynadi va nomalum sabablarga ko'ra o'yinni davom ettira olmadi. Sabab - jarohat bo'lishi mumkin.

9:16. Kurash. Ibodatxon Agojonova, Bekmurod Oltiboev va SHohruhxon Baxtiyorov yarim finalga chiqdi. Agojonova final yo'llanmasi uchun yaponiyalik raqibasiga qarshi gilamga chiqadi. Oltiboev va Baxtiyorov o'zaro kurashadi. 

9:15. Kurash. Fotima Qodirova ikkita raqibasini mag'lubiyatga mag'lubiyatga uchratib, chorak finalga chiqdi. CHorak finalda esa yaponiyalik raqibasiga mag'lub bo'ldi.

9:12. Uzunlikka sakrash. Anvar Anvarov ilk urinishdayoq 8 metrga sakradi va final yo'llanmasini naqd qildi.

9:10. Boks. Fazliddin Erkinboev SHri-Lanka bokschisini 1-raunddayoq nokautga uchratdi.

8:22. Boks. Nigina O'ktamova tailandlik raqibasiga 2:3 hisobida mag'lub bo'ldi. 

7:30. Qilichbozlik. Rapirachi erkaklar terma jamoamiz Janubiy Koreyaga 33:45 hisobida yutqazdi.

SAHIFANI YANGILASH

Bugun musobaqada ishtirok etadigan o'zbekistonlik sportchilar ro'yxati bilan tanishing: 

(Toshkent vaqti bilan)

5:50 - O'q otish, 25 metr, to'pponcha - Nigina Saidqulova

6:00 - O'q otish, trap - Azamat Qayumov

6:00 - O'q otish, trap - Oxunjon Abduqodirov

6:00 - O'q otish, trap - Timur Enaliev

6:00 - O'q otish, trap, erkaklar, jamoaviy

6:00 - Tennis - Sevil Yuldasheva - Mandegar Farzami (Eron)

6:00 - Tennis - Darya SHubina - CHek SHek (Gonkong)

6:15 - Kurash, Fotima Qodirova

6:40 - Kurash, Ibodatxon Agojonova

6:50 - Qilichbozlik, erkaklar, rapira - O'zbekiston - Janubiy Koreya

7:00 - Engil atletika, ko'pkurash - Nodir Norboev, Zahriddin SHokirov

7:00 - Sinxron suzish - Anastasiya Baxtiyorova/Violetta Evenko

7:00 - CHim ustida xokkey, ayollar - O'zbekiston - Indoneziya

7:15 - Kurash, Bekmurod Oltiboev

7:25 - Kurash, SHoxruhxon Baxtiyorov

8:15 - Boks, Nigina O'ktamova - Natticha CHongprongklang (Tailand)

8:40 - Engil atletika, uzunlikka sakrash, saralash - Anvar Anvarov

8:40 - Qilichbozlik, ayollar, sablya - O'zbekiston - Hindiston

9:00 - Suvga sakrash - Abdulvahob Vahobov/Amal Mavlonov

9:00 - Gandbol, ayollar - O'zbekiston - Gonkong

9:00 - Boks, Fazliddin Erkinboev - Yazmin Mohommed (SHri-Lanka)

12:00 - Tennis, erkaklar - O'zbekiston - Xitoy Taypeyi

13:30 - Boks, Navbahor Hamidova - Parveen (Hindiston)

14:00 - Boks, Abdumalik Xalokov - Junmilardo Ogayre (Filippin)

14:00 - Tennis, ayollar - O'zbekiston - Gonkong

14:55 - Engil atletika, uzunlikka sakrash - SHarifa Davronova

15:20 - Voleybol, erkaklar - O'zbekiston - Yaponiya

15:30 - Boks, Jahongir Zokirov - Muhammad Abroridinov (Tojikiston)

17:00 - Engil atletika, nayza uloqtirish - Nargiza Qo'chqorova