Osiyo regbi federaciyasi vakillari Buxoroda!

Xususan, hududlarda ushbu sport turini ommalashtirishga jiddiy etibor berilmoqda, jumladan Buxoro viloyatida ham.

O'zbekistonda regbi sportini targ'ib qilish maqsadida tashrif buyurgan Osiyo regbi federaciyasi vakili Benjamin van Rooyen hamda Anatoliy SHirov ko'hna va navqiron Buxoroi SHarifga tashrif buyurdi. Dastavval mehmonlar viloyatdagi sport majmualari bilan tanishib chiqdi. So'ngra «Buxoro sport majmuasi» yig'ilishlar zalida regbi bo'yicha o'zlarining o'quv dasturlari va malakalari bilan o'rtoqlashdi.

Yig'ilishda dastlab 2019 yil 29 oktyabrdagi «O'zbekiston Respublikasida regbi sport turini rivojlantirish chora-tadbirlari to'g'risida»gi Prezident Qarori mamlakatimizda ushbu sport turini rivojlantirishda yangi davrni boshlab bergani takidlandi.

Osiyo regbi federaciyasidan tashrif buyurgan delegaciya azolari Buxoro viloyatida 3 kun mobaynida bolalar va o'smirlar sport maktablaridagi trenerlarga o'quv-seminar (trening) tashkil qilib, o'z bilim va ko'nikmalari bilan o'rtoqlashadi. Xullas, tashrifdan ko'zlangan maqsad, Buxoro viloyatida ham regbi sport turini rivojlantirish, o'quvchilar o'rtasida ommalashtirish hamda regbini boshqa sport turlari kabi yuqori pog'onalarga olib chiqishdan iborat.