15 okt 07:44
Yangiliklar

Sport kurashlari, Olimpiya o'yinlari

O'smirlar Olimpiadasi: Umidjon Jalolov oltin medal sohibi!

Argentinada o'tkazilayotgan III yozgi o'smirlar Olimpiya o'yinlari o'zbekistonlik sportchilar uchun muvaffaqiyatli kechmoqda.

Bugun erkin kurash bahslarida yurtimiz sharafini himoya qilgan Umidjon Jalolov shohsupaning eng yuqori pog'onasidan joy oldi. -48 kg vazn toifasida bahslarda ishtirok etgan Umidjon musobaqa davomida JAR va Turkiya vakillaridan ustun keldi. Hal qiluvchi bahsda esa gruziyalik Giorgi Gegelashvilini 8:2 hisobida mag'ul etib, oltin medalga ega chiqdi.

Bu O'zbekiston sport delegaciyasi uchun Argentina Olimpiadasidagi 11-medal bo'ldi. Ayni paytda hamyurtlarimiz tomonidan 4 ta oltin, 4 ta kumush va 3 ta bronza medallari qo'lga kiritilgan. Bitta oltin va 1ta bronza medallariga mikst bahslarida ega chiqilgan. Bu orqali O'zbekiston o'smirlar Olimpiadasida medallar sifati bo'yicha o'z rekordini yangiladi.