Otabek Umarov Bangkokda Gennadiy Golovkin bilan uchrashdi

Tadbir arafasida rasmiylar bilan bir qator uchrashuvlar tashkil etilmoqda. Ulardan biri Qozog'iston Milliy Olimpiya qo'mitasi prezidenti Gennadiy Golovkin bilan o'tkazildi.

Uchrashuvda O'zbekiston va Qozog'iston Milliy Olimpiya qo'mitalarining Bosh kotiblari Oybek Kasimov hamda Janar Uteshova ham qatnashishdi.

Qayd etish joiz, jahon boksida ulkan shuhrat qozongan G.Golovkin joriy yilning 26 fevral sanasida Qozog'iston MOQ prezidenti etib saylangan edi. Ortda qolgan vaqt mobaynida u salmoqli loyihalarga qo'l urishni boshladi. 

Tomonlar suhbat davomida ikki qardosh xalqning munosabatlari sport orqali yanada mustahkamlanib borayotgani, xususan, ko'plab terma jamoalarimiz yirik startlarga tayyorgarlik jarayonida qo'shma o'quv-mashg'ulot yig'inlarini o'tkazayotganini mamnuniyat bilan tilga olishdi.

Gennadiy Gennadevich OOK vice-prezidentini futbol bo'yicha O'zbekiston olimpiya terma jamoasining Parij-2024 yozgi Olimpiya o'yinlariga yo'llanma olgani bilan qutlab, jamoamizga bo'lajak musobaqada ham omad tiladi. O'z o'rnida, Otabek Umarov G.Golovkinni yangi lavozimga saylangani bilan muborakbod etib, rahbarlik sohasida ham ulkan muvaffaqiyatlarga erishishini tiladi. SHuningdek, uni o'ziga qulay vaqtda O'zbekistonga taklif etdi va hamkorlikda ishlashdan mamnun bo'lishini bildirdi.

O'zbekiston delegaciyasining Tailanddagi rasmiy tashrifi davom etadi.