Otabek Umarov, Xabib Nurmagomedov va GFC mutasaddilari ishtirok etgan matbuot anjumani qanday o'tdi? (FOTO)

GFC 20 turniri oldidan tashkil etiladigan matbuot anjumani “Forumlar saroyi“da bo'lib o'tmoqda. Tadbirni O'zbekiston MMA associaciyasi prezidenti Otabek Umarov ochib berdi.

U yurtimizda MMAga etibor alohida bo'lishini qayd etib o'tdi. 

Anjuman davomida Xabib Nurmagomedov, Abdulmanap Nurmagomedov va boshqalar ishtirok etishdi. 

-MMA hamjamiyati O'zbekistonga nigoh qaratdi. Xabibning kelishi ham etiborni kuchaytirdi. Kelajakda ham yurtimizda shunday yirik turnirlar o'tkaziladimi? 

-Men yana bir bor GFC 20 turnirini Toshkentda o'tkazishga rozi bo'lganliklari uchun rahmat aytaman. Bu boshlanishi. Kelajakda dunyo miqyosida o'zbek sportchilarini ko'tarilishi uchun, tajribali insonlar bilan birga rivojlantirmoqchimiz. Kelajakda yurtimizda, har bir viloyatlarda yig'inlar o'tkazish, jahon miqyosidagi musobaqalarda ishtirok etishni maqsad qilib qo'yganmiz. Bundan keyin ham katta musobaqalarni Toshkentda va boshqa viloyatlarda o'tkazishni maqsad qilib qo'yganmiz. 

Xabibga savol: O'z janglaringizdan birini "Humo Arena"da o'tkazgan bo'larmidingiz?

-"Humo Arena" UFC o'tkazish uchun mos keladi. Masalan, Moskvada 11 ming kishi sig'adigan CSKA Arenada o'tkazdik. "Humo" esa jahon saviyasidagi arena va unga 12 ming odam sig'adi. U erda bemalol yirik musobaqalarni o'tkazsa bo'ladi. Agar UFC jangni shu erda tashkil etsa, men albatta shu erda jang qilaman. Agar kelajakda O'zbekiston MMA federaciyasi bu borada UFC bilan kelisha olsa, men jon-jon deb bu erda jang qilgan bo'lardim. Dog'istonda bunday saviyadagi arena yo'q. SHuning uchun, "Humo"da jang qilishga qarshi emasman. 

Tass muhbiri: Siz nafaqat GFC, balki boshqa promoushenlar bilan ishlash niyatingiz bormi?

Otabek Umarov: Biz yurtimizga boshqa yulduzlarni ham taklif qilmoqchimiz. Ular nafaqat faxriy mehmon, balki jang qilish uchun ham O'zbekistonga kelishadi. 

-Xabib, bunday mehmondo'stlikdan so'ng sen qanday qilib vazn tashlay olasan?

-Kecha biz mehmon bo'ldik va dieta haqida gaplashdik. Har qanday holatda ham vazn tashlash qiyin. Ammo, hali vazn tashlash uchun hali vaqt bor. Vaqti kelganida men dieta tutishni boshlayman va vaznimni to'g'irlab olaman. 15 yildan buyon vaznimni ushlab kelaman. Agar buni amallay olmaganimda, chempion bo'lmasdim. O'zbekistonda shirin ovqatlar juda ko'p va men xech qaerda bunday mazali ovqatlar emaganman. Barchasi yuqori saviyada.

-GFCdagi o'zbek sportchilari haqida

GFC promousheni prezidenti: Ligamizda o'zbekistonlik chempion Liliya SHakirova bor. Unga o'z imkoniyatini yangi vazn toifasida sinab ko'rishni taklif qilganmiz. SHuningdek, boshqa o'zbek yigitlari bilan ham shartnomamiz bor. Kelajakda ularni boshqa jang oqshomlarimizga ham taklif qilamiz. Ular g'alaba qozonishsa, kelajakda chempionlik janglarida qatnashishlari mumkin bo'ladi.

-O'zbekistonlik sportchilarning tayyorgarlik jarayoni qanday bo'ldi?

Sunnat Ilyosov: Tayyorgarligimiz juda yaxshi o'tdi. Yigitlar jangga tayyor. Kayfiyat juda yaxshi. Bizga muxlislik qilayotgan yurtdoshlarimizni g'alabalar bilan xursand qilamiz. 

-Frenk Mirning yurtimizga tashrifi qanday sodir bo'ldi?

-Men ko'plab mamlakatlarda bo'lganman. O'zbekistonga ilk marotaba tashrif buyurdim. O'ylaymanki, bu erda bir-biridan qiziq janglarni tomosha qilaman.

Otabek Umarov: Biz martabali insonlarga taklifnoma jo'natganman. Ko'pchilik vaqtiga qarab yurtimizga tashrif buyurdi. Mamlakatimizga shuningdek Roy Jons va Jeff Monson ham tashrif buyurishgan. 

-Sunnat Ilyosovga savol, sizda  murabbiy sifatida orzuingiz ushalmoqdami? 

-Bunday sharoitlarni ko'rib, o'zim ham jang qilgim kelmoqda. Ertangi jangda sportchilarimizga omad tilayman. 

Birozdan so'ng anjumandan fotogalereya va videolavhalar etiboringizga havola qilinadi.