Otabek Umarov yurtimizda Olimpizm va sport targ'iboti masalalariga bag'ishlangan yig'ilishda qatnashdi

Yig'ilishda O'zbekiston Milliy Olimpiya va Paralimpiya qo'mitalarining mutasaddi rahbarlari ishtirok etishdi.

Uchrashuvda MOQ Bosh kotibi, «Toshkent-2025» yoshlar Osiyo o'yinlari direkciyasi direktori Oybek Kasimov 21 noyabr kuni BAAning Dubay shahrida bo'lib o'tadigan OOKning navbatdagi Bosh Assambleyasi uchun tayyorlangan taqdimotni namoyish etdi. Takidlash joiz, Bosh Assambleyada delegaciyamiz qitadoshlarimizni ushbu taqdimot bilan tanishtiradi.

Ayni paytda Prezidentimizning qo'llab-quvvatlashi bilan bo'lajak musobaqaga katta tayyorgarlik ishlari olib borilmoqda. Taqdimot haqida malumot bergan Oybek Kasimov musobaqaga qurilayotgan obektlar, uning tarkibiga kiradigan sport turlari, transport va boshqa yo'nalishlar haqida to'xtaldi. SHuningdek, yig'ilishda MOQ raisi o'rinbosari SHerzod Tashmatov terma jamoalarimizning Xanchjou-2022 Osiyo va Parij-2024 Olimpiya o'yinlariga tayyorgarlik strategiyasi haqida malumot berdi.

Yig'ilish kun tartibiga muvofiq, ishtirokchilar kelasi yil yanvar oyida O'zbekiston MOQning 30 yilligini keng nishonlash bo'yicha o'tkaziladigan tadbirlar rejasini ham ko'rib chiqishdi. Tadbir davomida mamlakatimiz sporti taraqqiyotini yangi bosqichga olib chiqish kabi shu va boshqa mavzular yuzasidan fikr almashildi.