Otabek Umarovni tabriklaymiz!

Otabek Umarov 1984 yil 15 may kuni tavallud topgan. Otabek Muhammadalievich bir necha yildirki, o'zbek sporti rivojiga ulkan xissa qo'shib kelmoqda. Xususan, O'zbekiston triatlon federaciyasida olib borilayotgan islohotlar, malakali xorijlik murabbiyning jamoada ishlayotgani mazkur sport turining rivojini yangi bosqichga olib chiqdi. Otabek Umarov o'tgan yilning 15 dekabr kuni Maskat shahrida o'tkazilgan Osiyo Olimpiya Kengashi (OOK)ning 74-Ijroiya qo'mitasi yig'ilishida Osiyo Olimpiya Kengashi vice-prezidenti etib saylangan edi. 

O'zbekiston aralash jang sanati associaciyasi tuzilganiga ko'p vaqt bo'lmagan ersa-da, yangi tashkilot ilgari tarqoq bo'lib yurgan jangchilarimizni bir bayroq ostida birlashtirdi. Endilikda mazkur yo'nalishning rivoji yurtimizda jismoniy tarbiya va sportga bo'lgan etiborni ikki karra oshirdi, deya etirof etish mumkin. Zero, Toshkentda ilk bor mazkur yo'nalish bo'yicha GFC-20 turniri va O'zbekiston chempionatining o'tkazilishi fikrimiz isbotiga yaqqol dalil bo'la oladi.

Fursatdan foydalanib, saytimiz ijodkorlari va o'quvchilari nomidan Otabek Umarovni bugungi tavallud ayyom bilan chin qalbdan tabriklab, u kishiga uzoq umr va sihat-salomatlik tilaymiz.