03 apr 10:53
Yangiliklar
Boks/MMA
Otabek Xolmatov vaznida yangi WBO chempioni aniqlandi
AQSHning Talsa shahrida Top Rank promouterlik kompaniyasi tomonidan navbatdagi professional boks kechasi tashkil etildi.
Oqshomning markaziy jangi yarimengil vazn (57,2 kg) toifasida vakant bo'lib turgan WBO chempionlik kamari uchun kechdi. Unda ikkinchi engil vazn (55,3 kg)da sobiq jahon chempioni britaniyalik Ayzek Dogbo (24-2, 15 KO) kubalik Robeysi Ramires (11-1, 7 KO)ga qarshi ringga ko'tarildi.
O'n ikki raundlik jang to'liq davom etdi va yakunda hakamlar Ramiresning yakdil (118-109, 119-108, 117-110) g'alabasini etirof etishdi. 29 yoshli Robeysi Ramires ikki karra (London-2012 va Rio-2016) Olimpiada chempioni hisoblanadi.
Eslatib o'tamiz, hamyurtimiz Otabek Xolmatov yarimengil vaznda WBA chempionlik kamari uchun majburiy va rasmiy davogar hisoblanadi. WBA tashkiloti uning Maurisio Lara bilan jang qilishini rasman tasdiqlagan.
Havola :
Manba : olamsport.com
Fikrlar