05 apr 19:31
Yangiliklar

Boks/MMA

Otabek Xolmatovning bir yillik tanaffusdan keyingi ilk jangi muddatidan oldin yakuniga etdi

Astanada start olgan prof boks oqshomi doirasida yarim engil vazn toifasidagi o'zbekistonlik Otabek Xolmatov ringga chiqdi.

27 yoshli hamyurtimiz Filippin vakili Jeyson Kanoy Manigosga qarshi bahs olib bordi.

Yarim engil vazn toifasidagi jang 8 raundga mo'ljallangandi. Xolmatov bahsning so'nggi, sakkizinchi raundida Kanoyni nokautga uchratdi.

Qayd etish joiz, hamyurtimiz jang davomida tajribali raqibini ketma-ket zarbalari orqali bir necha bor qiyin ahvolga solib qo'ydi. Jumladan, u to'rt, olti va ettinchi raundlarda Jeysonni nokdaun holatiga tushirdi.

SHunday qilib, Otabek Xolmatovning hisobidagi g'alabalar soni 13 taga etdi. U bunga qadar oxirgi bo'lib turgan jangida (2024 yil mart oyida) Raymond Fordga imkoniyatni boy bergandi.

34 yashar Kanoy (30-13-2) esa bugun faoliyatidagi 13-mag'lubiyatini qabul qilib oldi.