O'z vaqtida Aleks Pereyrani mag'lub etgan Artyom Vaxitov UFC bilan shartnoma imzoladi

Bu haqda tashkilot prezidenti Dana Uayt malum qildi. U DWCS 2024 nomzodlar turnirining navbatdagi bosqichi yakunlangach, muddatidan oldin g'alaba qozongan barcha ishtirokchilar UFC bilan shartnomalar olishini malum qildi.

Nomzodlar turnirida yarim og'ir vazn toifasida (93 kg gacha) ishtirok etgan Artyom Vaxitov o'z jangida franciyalik Islem Masrafni birinchi raunddayoq nokautga uchratdi. Rossiyalik sportchining g'alabasini hakam gongga 37 soniya qolganida qayd etdi.

Bu Vaxitovning professional faoliyatidagi uchinchi g'alabasi bo'ldi. Uning hisobida bitta mag'lubiyat ham bor.

Qizig'i, u kikboks qoidalari bo'yicha amaldagi UFC chempioni Aleks Pereyra bilan ikki bor to'qnash kelgan. Janglarning birida Pereyra, ikkinchisida Vaxitov ochkolar hisobi ila zafar quchgan.