O'zbekiston delegaciyasi Tokio Olimpiadasi tashkiliy qo'mitasi bilan uchrashdi

Mazkur tashrif doirasida delegaciyamiz vakillari Tokio-2020 Olimpiadasi tashkiliy qo'mitasi va Yaponiyaning qator sayyohlik tashkilotlari bilan uchrashuvlar o'tkazishdi. Delegaciyaga MOQ prezidenti maslahatchilari Iskander SHadiev va SHerzod Asatullaev rahbarlik qildilar. Ushbu uchrashuvlar mobaynida, shuningdek, Jismoniy tarbiya va sport vazirligi, O'zbekiston boks va dzyudo federaciyalari hamda “O'zbekiston havo yo'llari” Milliy aviakompaniyalari vakillari ham ishtirok etishdi. 

Delegaciya vakillari ishni Yaponiyadagi O'zbekistonning favqulodda va muxtor elchisi G'ayrat Fozilov bilan uchrashishdan boshladi. Kelishuvga ko'ra, elchixona mutasaddilari Olimpiya o'yinlari vaqtida Yaponiyada istiqomat qilayotgan hamyurtlarimizdan maxsus volontyorlik guruhi tashkil qilishda yordam berishadi. SHuningdek, “O'zbekiston havo yo'llari” MAK vakili CHingiz Xolbekov 2020 yilning iyul-avgust oylari mobaynida Toshkent va Tokio shaharlari o'rtasida qo'shimcha aviareyslar yo'lga qo'yish borasida muzokara olib bordi.

Tashrif davomida delegaciyamiz vakillari Yaponiyaning etakchi sayyohlik kompaniyalari faoliyati bilan tanishdi. O'tkazilgan uchrashuvlar davomida «Global Marketing Travel», «Inari Travel» va “Tobu Top Tours Co. LTD” kompaniyalari bilan suhbat tashkil qilindi. SHubhasiz, ushbu muloqot davomida Olimpiada vaqtida Tokioga tashrif buyuradigan hamyurtlarimiz uchun yaxshi servisga ega mehmonxonalarni hozirdan band etish, ularga eng qulay turistik paketlarni taqdim qilish masalalari ko'rib chiqildi.

Takidlash joiz, Tokio-2020 tashkiliy qo'mita vakillari bilan o'tkazilgan uchrashuv ham ijobiy kelishuvlar bilan yakunlandi. Mazkur uchrashuv davomida Olimpiya o'yinlari vaqtida tashkiliy masalalar bo'yicha yuzaga kelishi mumkin bo'lgan muammolarni bartaraf etish borasida kelishib olindi. Ahamiyatlisi, Tokioda Olimpiya o'yinlari tarixida ilk bor akkreditaciya jarayonida “Games Management System (GMS)” tizimidan foydalaniladi. Mazkur tizim musobaqalarga tashrif buyuradigan mehmonlar, delegaciya vakillarini bir vaqtning o'zida akkreditaciya bilan taminlashi va mehmon sifatida ro'yxatdan o'tkazishi bilan qulay. Uchrashuv yakunida MOQ delegaciyasi vakillari medicina markazlari, sportchilar hordiq chiqarishi uchun tayyorlangan xonalar va ularning jihozlanishini ko'zdan kechirishdi.

Bir so'z bilan aytganda, Tokio safari Olimpiya o'yinlari vaqtida o'zbekistonlik mehmonlar uchun barcha qulay sharoitlarni yaratib berish borasidagi ijobiy kelishuvlar bilan yakunlandi.