O'zbekiston dzyudo federaciyasida Hisobot-saylov konferenciyasi o'tkazildi

Unda federaciya mutasaddilari, barcha yosh toifasidagi terma jamoa jamoalarimiz murabbiylari ishtirok etdi. Federaciyaning viloyatlardagi ijrochi direktorlari va masullari ZOOM platformasi orqali tadbirni kuzatib borishdi. Dastlab O'zbekiston dzyudo federaciyasi bosh kotibi Aziz Sobirov 2024 yil yakunlari va 2025 yilning ortda qolgan davri bo'yicha o'z hisobotini taqdim etdi.   

Aziz Sobirov barcha yo'nalishlarda o'sishga erishganimizni takidlab, asosiy yo'nalishlardan biri Respublikada dzyudo ommaviyligini yanada oshirish, jamiyatda sog'lom turmush tarzini shakllantirishga ko'maklashish va albatta professional sport bo'yicha ham yutuqlarimizni yaxshilab borishdan iborat ekanini aytdi. 

Federaciya bosh kotibi xalqaro yo'nalishda konfederaciya va federaciyalar bilan memorandumlar imzolangani, yurtimizda bir necha davlat terma jamoalarining qo'shma mashg'ulotlar o'tkazayotgani, poytaxtimiz mezbonligida nufuzli IJF musobaqalari va tadbirlarini tashkil etilayotgani, xorijiy murabbiylarning terma jamoalarimizda faoliyat yuritayotgani, klublar dzyudosi yo'lga qo'yilgani kabi bir qator yo'nalishlarda aytishga arzigulik yutuqlar qo'lga kiritilgani urg'uladi.         

SHundan so'ng tashkiliy masalaga o'tildi. SHu kungacha O'zbekiston dzyudo federaciyasi raisi maslahatchisi sifatida faoliyat yuritib Kseniya Gulyamova rais o'rinbosari lavozimiga saylandi. Delegatlar bir ovozdan taqdim etilgan nomzodga ovoz berishdi. Gulyamova yurtimiz yakkakurash sport turlarida rais o'rinbosari lavozimida ishlagan birinchi ayol mutasaddi rahbar bo'ladi.   

Yig'ilish so'nggida O'zbekiston dzyudo federaciyasi raisi Azizjon Kamilov so'z olib, oldinda amalga oshirilishi kerak bo'lgan ishlar ko'p ekani, buni birgalikda bir jamoa bo'lib bajarish lozimligini, barcha yo'nalishlarda reja bo'yicha islohotlarni davom ettirish zarurligini aytdi.