O'zbekiston Los-Anjeles–2028 Olimpiadasiga licenziya beruvchi musobaqaga mezbonlik qiladi

Quvonarlisi shundaki, ushbu yuksak masuliyat va ishonch O'zbekistonga topshirildi.

Ijroiya qo'mita azolari tomonidan mamlakatimiz nomzodi bir ovozdan maqullandi. Bu qaror O'zbekistonning xalqaro sport maydonidagi obro'-etibori, yuqori tashkiliy salohiyati hamda og'ir atletika yo'nalishida erishilgan yutuqlarining yaqqol etirofidir.

Malumot uchun, mazkur nufuzli saralash musobaqalari poytaxtimiz Toshkent shahrida, zamonaviy infratuzilmaga ega va barcha xalqaro talablarga to'liq javob beradigan Olimpiya shaharchasida bo'lib o'tishi rejalashtirilmoqda.

SHuningdek, saralash musobaqalariga mezbonlik qilish huquqini O'zbekistondan tashqari Qatar, Peru, Venesuela hamda Tailand mamlakatlari ham qo'lga kiritdi.

Takidlash joizki, Los-Anjeles–2028 Olimpiya o'yinlariga qadar licenziya beruvchi saralash musobaqalari bor-yo'g'i besh marotaba o'tkaziladi. SHulardan biriga mezbonlik qilish huquqining O'zbekistonga ishonib topshirilgani mamlakatimiz sporti tarixidagi muhim va tarixiy voqea hisoblanadi.