O'zbekiston MOQ Tokio Olimpiadasiga rasmiy taklifnoma oldi

Taklifnoma shaxsan Xalqaro Olimpiya qo'mitasi prezidenti Tomas Bax tomonidan jo'natilgan. 

“Xalqaro Olimpiya qo'mitasi O'zbekiston Milliy olimpiya qo'mitasini 2020 yilning 24 iyulidan 9 avgustiga qadar Tokio shahri (Yaponiya)da bo'lib o'tadigan o'ttiz ikkinchi yozgi Olimpiya o'yinlarida ishtirok etishga taklif qilishni sharaf deb biladi.

Tomas Bax,
Xalqaro Olimpiya qo'mitasi prezidenti”, – deya yoziladi mazkur taklifnomada.

Takidlash joiz, XOQ navbatdagi Olimpiadaga 1 yil qolganidan so'ng tashkilotga azo mamlakat milliy ko'mitalariga rasmiy taklifnomalar jo'natadi. Ayni paytda XOQ tarkibiga 206 mamlakat azo.

SHu paytga kelib terma jamoamizdan tennischimiz Denis Istomin hamda velosportda Olga Zabelinskaya Tokio Olimpiadasi, o'q otishda Server Ibragimov esa Paralimpiya o'yinlari uchun yo'llanmani qo'lga kiritgan. Eslatib o'tamiz, Tokio Olimpiadasi 2020 yilning 24 iyulidan 9 avgustiga qadar bo'lib o'tadi.