O'zbekiston og'ir atletika terma jamoasi o'zining eronlik mutaxassisi bilan xayrlashdi

Bu haqda federaciya matbuot xizmati xabar bermoqda:

"Yakunlangan 2023 yilda O'zbekiston og'ir atletika federaciyasida murabbiy maslahatchisi lavozimida faoliyat yuritgan Said Aziz Alihusayni terma jamoadagi so'nggi mashg'ulotini o'tkazdi.

Bugungi mashg'ulotga kelgan Yoshlar siyosati va sport vaziri o'rinbosari, O'zbekiston og'ir atletika federaciyasi raisi SHaxrillo Mahmudov eronlik mutaxassisning murabbiylik mahorati, bilimi va sportdagi tajribasini yana bir bor etirof etgan holda o'zaro samarali faoliyat va hamkorlik uchun minnatdorlik bildirdi hamda uning kelgusi ishlariga muvaffaqiyat tiladi.

Takidlash kerakki, Said Aziz Alihusayni ushbu qisqa muddatli mehnat faoliyati davomida o'z tajribalarini ishga solgan holda turli xalqaro musobaqalarda faol ishtirok etgan O'zbekiston og'ir atletikachilarini tayyorlash va nazorat qilishda salmoqli yutuqlarga erishib, Parij-2024 Olimpiya o'yinlariga licenziyasi uchun muhim reyting ochkolari qo'lga kiritilishiga hissa qo'shdi.

O'zbekiston terma jamoasi uning qo'l ostida 3-13 may kunlari Janubiy Koreyaning Jinju shahrida o'tkazilgan Osiyo chempionatida 2 oltin, 4 kumush va 5 bronza medalini qo'lga kiritdi. Bundan tashqari, 4-17-sentyabr kunlari Saudiya Arabistonining Ar-Riyod shahrida bo'lib o'tgan kattalar o'rtasidagi jahon chempionatida 3 ta oltin, 2 ta kumush va 1 ta bronza medaliga sazovor bo'lishiga munosib hissa qo'shdi.

Bundan tashqari, uning murabbiylik mahorati jamoani Xanchjou shahrida bo'lib o'tgan XIX Osiyo o'yinlarida 2 ta kumush va 2 bronza medalini qo'lga kiritishida katta ko'mak berdi. Ushbu musobaqalar davomida Said Aziz Alihusaynining haqiqiy professional df fidoyi ekanini ko'rsatdi.

Afsuski, O'zbekiston og'ir atletika federaciyasining shartnomani uzaytirish taklifiga qaramay, Said Aziz Alihusayni shaxsiy sabablarga ko'ra o'z faoliyatini davom ettirmaslikka qaror qildi. SHunday bo'lsada, federaciya uning sportchilarga bergan beqiyos xizmati, ajoyib maslahatlari, fikr-mulohazalari va qo'llab-quvvatlashini qadrlaydi.

O'zbekiston Og'ir atletika federaciyasi Said Aziz Alihusayni murabbiylik faoliyatini davom ettirishga qaror qilganda, uning uchun federaciya eshiklari har doim ochiqligini bildiradi," - deyiladi xabarda.