O'zbekiston Polvonlar milliy markazi raisini tabriklaymiz!

Uchkurash sport turi asoschisi, O'zbekiston karabtep xalq o'yinini sport turiga aylantirishning bosh tashabbuskori va asoschisi, o'zbek kurashini O'zbekistonda alohida federaciya sifatida tashkil qilib rivojlantirish g'oyasi muallifi, kurash, sambo va dzyudo turlaridan sport ustasi Yusupov Norquli Tursunovichning tavallud kuni.

Norquli Yusupov 1954 yil 23 may kuni Buxoro viloyati Qorako'l tumanida polvonlar otlasida dunyoga keldi. Maktabni alo baholarga tugatib 1973 yil A.Navoiy nomidagi Samarqand davlat universitetining Amaliy matematika fakultetiga o'qishga kiradi va 1978 yil SamDUni tugatib yo'llanma bilan 1979 yil O'zbekisiton Fanlar Akademiyasi Kibernetika institutiga ilmiy xodim bo'lib ishga kiradi. 1984 yilda ushbu ilm dargohi aspiranturasiga o'qishga kiradi va 1987 yilga kelib Nomzodlik desertaciyasini himoya qiladi.

Davlat tashkilotlarida rahbarlik lavozimlarida ishlagan. O'z davrida Sambo va Dzyudo sport turlari bo'yicha bir necha marta respublika va Xalqaro turnirlar g'olibi bo'lgan. Hozirgi kunda Bel olish va Uchkurash associaciyasi va Polvonlar milliy markazi raisi lavozimlarida ishlab kelmoqda.

Darvoqe, Norquli Tursunovichning say-harakatlari bilan O'zbekiston 2011 yilda TAFISA butunjahon o'yinlari associaciyasiga azolikka qabul qilingan va 2012 yilda Litva davlatining SHaulyay shahrida bo'lib o'tgan TAFISA butunjahon o'yinlari festivalida O'zbekiston ham uchta yo'nalishda ishtirok etgan.

Biz Norquli Yusupovni bugungi tavallud ayyomi bilan samimiy muborakbod etamiz. U kishiga uzoq umr, sihat salomatlik tilaymiz.