O'zbekiston qilichbozlik federaciyasi mutasaddilari bilan istiqbolli rejalar muhokama qilindi

Mazkur uchrashuv asosan moliyaviy masalalar va uzoq yillarga mo'ljallangan strategik mavzulariga bag'ishlandi. Suhbat davomida ajratilgan mablag'larni maqsadli va to'g'ri sarflanishi, selekciya ishlarini yuqori saviyada olib borish borasida fikr-mulohazalar bildirildi. Malumki, Rustam SHoabdurahmonov bir vaqtning o'zida O'zbekiston qilichbozlik federaciyasining raisi ham hisoblanadi. Uchrashuvda sablya bo'yicha terma jamoa katta murabbiyi, 3 karra Olimpiya o'yinlari chempioni Vladimir Nazlimov o'z tajribasidan kelib chiqqan holda fikrlarini bildirib o'tdi.

“Uzoq yillik rejalar xususida gapiradigan bo'lsak, 1-2 sportchiga tayanib qolish xato. O'zim murabbiylik qilayotgan sablya yo'nalishi haqida gapiradigan bo'lsam, bizda eng katta sportchimiz 20-22 yoshda. Asosiy tarkib esa 16-18 yoshni tashkil qiladi. Agar kuchli jamoa shakllantirishni istasak, bir yo'nalishda kamida 6 nafar sportchi bilan ishlash kerak. SHunda ular orasida raqobat oshadi. Qolaversa, jarohat yoki boshqa noxush holatlarga ham tayyor bo'lish talab qilinadi. SHu yo'sinda astoydil ishlasak, biz tuzgan jamoa nafaqat Parij-2024, balki 2028 va 2032 yilgi yozgi Olimpiya o'yinlariga ham tayyor bo'ladi”, – dedi Vladimir Nazlimov.

Tadbir davomida 2021-2022-2023 va 2024 yillar kesimida federaciya o'z oldiga qo'ygan maqsad va vazifalar, har bir yo'nalishda nafaqat Osiyo va jahonda kuchli raqobat tug'dira oladigan jamoalarni shakllantirish, kelasi yil bo'lib o'tadigan Tokio Olimpiadasiga tayyorgarlik rejalari borasida atroflicha muhokama olib borildi.