O'zbekiston sporti rahbarlari Qozog'iston MOQ rahbari Gennadiy Golovkin va boshqalar bilan uchrashdi (FOTO)

Tashrif davomida rasmiylar qardosh mamlakat bilan sport sohasidagi aloqalarni yanada rivojlantirish maqsadida bir qator uchrashuvlar o'tkazmoqda.

Bugun Qozog'iston Turizm va sport vaziri Erbol Mirzabosinov, Qozog'iston Milliy Olimpiya qo'mitasi Prezidenti — taniqli bokschi Gennadiy Golovkin hamda Paralimpiya qo'mitasi Prezidenti Kayrat Boranbaev bilan uchrashuv bo'lib o'tdi. 

Muloqot chog'ida ikki davlat sport sohasida o'zaro hamkorlikni mustahkamlash, jumladan, terma jamoalar uchun qo'shma o'quv-mashg'ulot yig'inlarini tashkil etish, yirik musobaqalarga tayyorgarlikni birgalikda olib borish, iqtidorli yoshlarni selekciya qilish va infratuzilmani rivojlantirishda o'zaro tajriba almashish kabi masalalar muhokama qilindi.

Mazkur tashrif ikki mamlakat sport aloqalarini yangi bosqichga olib chiqishga xizmat qilishi kutilmoqda.