O'zbekiston U-19 va U-21 gandbol terma jamoalari Jahon kubogini g'alaba bilan boshladi

Har ikki yosh toifasidagi bellashuvlarda O'zbekiston terma jamoasi Osiyo qitasi sharafini himoya qilishi haqida xabar bergan edik.

Har ikki termamiz guruhdagi ilk o'yinlarida Nikaraguaga qarshi bahs olib bordi. U-21 toifasidagi o'yinda hamyurtlarimiz 39:30 hisobida zafar quchdi.

U-19 jamoalari o'rtasidagi bellashuvda ham biznikilarning qo'li baland keldi — 36:23.

Malumot o'rnida, har ikki yosh toifasidagi musobaqaning guruh bosqichida 6 ta terma jamoa ishtirok etadi. Quraga ko'ra, bu jamoalar avvaliga uchtadan ikki guruhga taqsimlandi. O'z guruhida 1 va 2-o'rinni egallagan jamoalar yarim finalga yo'l oladi. Uchinchi o'rin sohiblari 5-o'rin uchun maydonga tushadi.