O'zbekiston WBC tashkilotining 61-Konvenciyasiga mezbonlik qiladi + FOTO

WBC dunyoning eng nufuzli professional boks tashkiloti hisoblanadi. WBC tashkilotiga 1963 yilda asos solingan. SHtab-kvartirasi Meksikada joylashgan. Meksikalik Maurisio Suleyman WBC prezidenti hisoblanadi. Turli yillarda Muhammad Ali, Jo Freyzer, Mayk Tayson, Lennoks Lyuis, Floyd Meyvezer, Vitaliy Klichko, Meni Pakyao singari boks afsonalari WBC chempioni bo'lishgan. 

Quvonarlisi, tashkilotga azo bo'lganiga hali bir yil ham to'lmay, WBC O'zbekistonga Butunjahon boks ittifoqining yillik 61-Konvenciyasi mezbonligini ishonib topshirdi. Bir nechta davogar shaharlar orasidan Toshkent arizasi afzal ko'rildi. WBC Konvenciyasi bir yilda bir marotaba o'tkazilib, unda tashkilotga azo ikki yuzga yaqin davlatdan rasmiy vakillar, taniqli promouterlar, sobiq va amaldagi WBC chempionlari, umuman olganda, professional boks olamining eng mashhurlari jam bo'ladi. 

Poytaxtimiz mezbonligidagi WBC 61-Konvenciyasi 12-17 noyabr kunlari bo'lib o'tadi.