O'zbekistonda "Kurashlotto" lotoreyasi tashkil etiladi

Qarorda belgilanganidek, kurash bo'yicha nufuzli   musobaqalarni tashkil qilish, O'zbekistonda kurashni umumxalq sport turiga aylantirish, kurashni ommalashtirish eng dolzarb masalalar sirasiga kiritildi. Nafaqat rivojlantirish bu asnosida uni tijaratlashuvini yo'lga qo'yish jumladan tadbirkorlar, xorijiy investorlarni jalb qilish orqali kurash yaktaklari va gilamlarini ishlab chiqarish, bukmekerlik faoliyatini   hamda kurash lotereyasini  tashkil etish   vazifalari alohida bandlar bilan belgilab berildi. 

Yuqoridagi vazifalar ijrosini taminlash maqsadida, bugun 17 mart kuni Jismoniy tarbiya va sport vazirligi anjumanlar zalida anjuman bo'lib o'tdi. Unda O'zbekiston Kurash Federaciyasi va O'zbekiston Respublikasi akciyadorlik tijorat Xalq banki o'rtasida hamkorlik bitimi imzolandi.

Undan asosiy maqsad “Kurashlotto”(“KURASHLOTTO”) lahzali, pul yutuqli lotereyasini tashkil etish va o'tkazishdan olinadigan mablag'lar hisobidan “Kurash milliy sport turini 2025 yilgacha yangi bosqichga olib chiqish” Koncepciyasida belgilangan vazifalarning bajarilishiga, kurashni O'zbekiston va jahonda yanada rivojlantirishga, mazkur sport turi infratuzilmasini yanada takomillashtirish, kurash mahorat maktablari moddiy-texnik bazasini mustahkamlash va boshqa maqsadli tadbirlarni moliyalashtirishning qo'shimcha manbalarini shakllantirishdan iborat

Matbuot anjumanini- Milliy olimpiya qo'mitasi kurash bo'limi rahbari  K.Usmonov boshqarib bordi.  Anjuman ishtirokchilari “Kurashlotto”  lahzali pul yutuqli lotereyasining tashkil etishdan maqsad haqida milliy sportimiz kurashni rivojlantirish yo'lidagi ishlar xususida gapirdilar. O'zbekiston Kurash federaciyasining birinchi o'rinbosari, xalqaro kurash qoidalari asoschisi K.Yusupov va  Akciyadorlik tijorat Xalq banki Boshqaruvi Raisining birinchi o'rinbosari Akramov Doniyor Mamurovich  tomonlaridan bitim imzolangach, ular jurnalistlarni savollariga javob berdilar.