O'zbekistonda Rossiyaning Janubiy va SHimoliy-Kavkaz okruglari boks federaciyasi vakolatxonalari ochildi

O'zbekistonga tashrifi davomida Sergey Vasilevich yurtdoshimiz Doniyor Ergashev bilan ham uchrashdi va bir qator masalalar yuzasidan muzokara o'tkazdi. 

Malumot uchun, Doniyor Xayrullaevich Ergashev 1993 yilda O'zbekistonda professional boksni yaratish tashabbuskorlaridan biri hisoblanadi. Professional boksda WBA, WBC, WBO tashkilotlari bilan hamkorlikda ishlagan, mazkur tashkilotlar tomonidan tashkil etilgan hakamlik seminarlari, promouterlik yig'inlarida, yillik yig'ilishlarida qatnashgan. Tegishli sinovlardan muvaffaqiyatli o'tib, hakamlik licenziyasiga ham ega bo'lgan.

O'zbekistonda birinchilardan bo'lib promouterlik licenziyasiga ega bo'lgan. Buning samarasi o'laroq, 1998 yilda ilk marotaba Toshkentda WBA tashkilotining PABA (PanOsiyo boks associaciyasi) chempionlik kamari uchun jang tashkil etilgan va unda hamyurtimiz Furqat Tursunov 12 raundlik jangda rossiyalik Sergey Korolyovni mag'lubiyatga uchratgandi.

Sergey Kostenko hamda Doniyor Ergashev o'rtasidagi uchrashuv davomida Kostenko hamyurtimizning ishchanlik va kasbiy mahoratini inobatga olgan holda uni Rossiya Janubiy va SHimoliy-Kavkaz professional boks federaciyasining O'zbekistondagi vakolatxonasi rahbari etib tayinladi. 

Tomonlar uchrashuv davomida hamkorlikning dastlabki bosqichlari muhokama qilindi. SHuningdek, professional bokschilarning qo'shma yig'inlari, moliyaviy masalalar bo'yicha fikr almashildi.