O'zbekistonlik jahon chempionlari 50 million so'm pul mukofoti bilan taqdirlandi + FOTO

Musobaqada hamyurtlarimiz Adhamjon Ergashev va Akbar Jo'raev 3 tadan oltin medal qo'lga kiritishgandi. Bugun poytaxtimizdagi "Olimpiya shon-shuhrati" muzeyida jahon chempionatida muvaffaqiyatli ishtirok etgan sportchilarimiz va ularning murabbiylarini taqdirlash marosimi tashkil etildi. 

Tadbirda O'zbekiston Respublikasi Jismoniy tarbiya va sport vazirligi, Milliy olimpiya qo'mitasi, og'ir atletika federaciyasi rahbariyati vakillari ishtirok etishdi. Unda musobaqada muvaffaqiyatli qatnashgan atletlarimiz Adhamjon Ergashev va Akbar Jo'raevga O'zbekiston Respublikasi Prezidentining stipendiyasi - 50 000 000 so'm miqdoridagi pul mukofoti uchun sertifikat taqdim etildi. Ularning murabbiylari esa 20 000 000 so'mlik pul mukofoti bilan taqdirlanadigan bo'ldi. 

Jahon chempioni Adhamjon Ergashev so'zga chiqar ekan, ko'rsatilgan etibor uchun Prezidentimizga, Jismoniy tarbiya va sport vazirligi, Milliy olimpiya qo'mitasi, shuningdek og'ir atletika federaciyasiga o'z minnatdorchiligini bildirib o'tdi.