O'zbekistonlik Olimpiada chempioni doping sabab chetlashtirildi

Bu haqda Xalqaro og'ir atletika federaciyasi (IWF) matbuot xizmatiga tayanib, TASS xabar qildi.

Qayd etilishicha, doping testiga ijobiy reakciya bergan namunalardan biri o'sha musobaqada 105 kg vazn toifasida to'rtinchi o'rinni olgan o'zbekistonlik Ruslan Nuriddinovga tegishli. Undan tashqari, 2012 yilgi olimpiya o'yinlarining -105 kg vazn toifasidagi chempioni ukrainalik Aleksey Toroxtiy, -56 kg.da bronza medali sohibi ozarbayjonlik Valentin Xristov, shuningdek mos ravishda 8- va 14-o'rinni egallagan beloruslik Nikolay Novichkov va armanistonlik Melin Daluzyan ham ro'yxatda bor.

Xalqaro og'ir atletika federaciyasi ushbu besh sportchini vaqtinchalik faoliyatdan chetlashtirgan.

Avvalroq so'nggi olimpiya o'yinlari davomida doping istemol qilish holatlari og'ir atletikachilar orasida ko'plab kuzatilayotgani tufayli sportning bu turi Olimpiada dasturidan chiqarib yuborilishi mumkinligi malum bo'lgandi. Ushbu masala noyabr oyi oxirida Xalqaro Olimpiya Qo'mitasi Ijroqo'mida muhokama qilingan, ammo yakuniy qarorni qabul qilish keyinroqqa qoldirilgan.

Malumot uchun, Ruslan Nuriddinov oradan to'rt yil o'tib, 2016 yili Rioda olimpiya o'yinlari rekordini o'rnatgan holda oltin medalga sazovor bo'lgan edi. U 2018 yil Indoneziyada o'tgan Osiyo o'yinlarida ham turnir rekordini yangilab, tengsiz bo'ldi.

Ruslan 2013 yilda jahon chempionligiga erishgan, Osiyo chempionatlarida ham ikki marotaba g'olib chiqqan. U 2014 yilda tizzasidan jiddiy jarohat olgani tufayli operaciya stoliga yotgan edi, ammo jarrohlik amaliyoti muvaffaqiyatsiz o'tgach, bir yil reabilitaciya bosqichini o'tishga majbur bo'ldi. 2015 yilda Nuriddinov yana bir marta operaciya qilingach, qayta tiklanib sportga qaytishi uchun 10 oy vaqt talab qilingandi.