O'zbekistonlik yana bir bokschi jahon chempionlik kamari uchun jang qiladi

Bu haqda hamyurtimizning o'zi Olamsport.com saytiga malum qildi.

Nazarov 5 may kuni Koreya Respublikasida o'tkazilgan professional boks oqshomi doirasida tailandlik Saravut Jiamtong bilan jang qilib, uchinchi raundda nokaut orqali g'alaba qozongan hamda o'ta engil vaznda vakant bo'lib turgan WBO International kamarini qo'lga kiritgan edi.

Bokschimizning so'zlariga ko'ra, endilikda u joriy yilning oktyabr oyida WBO jahon chempionligi kamari uchun ringga ko'tariladi. Hozirda bu kamar vakant, yani egasiz qolgan.  

Malumot uchun, Nazarov ayni damda WBO yo'nalishi bo'yicha chempion bo'lib turgan yagona o'zbekistonlik bokschi hisoblanadi.