O'zbekistonning Osiyo kubogidagi guruhdoshi Avstraliya Meksika bilan o'ynaydi

O'zbekiston terma jamoasining Osiyo kubogidagi raqibi Avstraliya terma jamoasi 9 sentyabr kuni Meksika bilan o'rtoqlik uchrashuvi o'tkazadi. Bahs AQSHning Texas shtatining Arlingtong shahrida joylashgan "AT&T" stadionida bo'lib o'tadi.

Oktyabr oyida esa Grem Arnold boshchiligidagi "sokkeruzlar" Londonda Angliya va Yangi Zelandiya terma jamoalari bilan o'rtoqlik o'yinlarini o'tkazishadi.

Eslatib o'tamiz, O'zbekiston terma jamoasi sentyabr oyida AQSH va Meksika bilan o'rtoqlik uchrashuvlarini o'tkazadi. Avstraliya bilan Osiyo kubogining 3-turida, 22 yanvar kuni to'qnash kelamiz.