O'zbekistonning Osiyo o'yinlaridagi 70 ta medali uchun jami qancha mukofot puli to'lanadi?

Bu orqali ushbu nufuzli kompleks musobaqani beshinchi o'rinda yakunladik.

Musobaqalar start olgan bir paytda hukumat tomonidan Osiyo va Paraosiyo o'yinlari g'olib hamda sovrindorlari uchun pul mukofotlari oshirildi. Prezidentning 21-sentyabrdagi PQ-347-son qaroriga ko'ra, sportchilarga:

- oltin medal uchun — 25 ming dollar;

- kumush medal uchun — 12,5 ming dollar;

- bronza medal uchun — 6 250 dollar to'lanishi ko'zda tutilgan.

Murabbiylar uchun esa mos ravishda 10 ming, 5 ming va 2 500 dollar miqdorida mukofot belgilangan. Qaror 23-sentyabrdan kuchga kirgan.

Agar 70 ta medalning har biri uchun shartli ravishda bittadan sportchi va bittadan murabbiyga yangi stavkalar bo'yicha mukofot hisoblansa, umumiy summa 1 mln 382,5 ming AQSH dollarini tashkil etadi. SHundan 21 ta oltin medal uchun sportchilar va murabbiylarga jami 735 ming dollar, 25 ta kumush uchun 437,5 ming dollar, 24 ta bronza uchun esa 210 ming dollar to'g'ri keladi.

Biroq bu faqat shartli hisob-kitob. Jamoaviy va juftlik bahslarida bir medal bir nechta sportchiga tegishli bo'lishi mumkinligi, shuningdek, murabbiylarga mukofot to'lash tartibi sabab haqiqiy umumiy summa bundan farq qilishi mumkin.