07 sen 11:02
Yangiliklar

Kurash

O'zDJTSUda milliy kurash kuni keng nishonlandi

Kecha O'zbekiston davlat jismoniy tarbiya va sport universitetining Milliy kurash turlari nazariyasi va uslubiyati kafedrasi tomonidan 6 sentyabr – Kurash milliy sport kuni munbosabati bilan universitet Ochiq birinchiligi bo'lib o'tdi.

Universitet kurash zalida o'tgan musobaqada dastlab bellashuvlarning tantanali ochilish marosimi tashkil etildi.

Marosimda O'zbekiston davlat jismoniy tarbiya va sport universiteti rektori Rashid Matkarimov, O'zbekiston belbog'li kurash federaciyasi raisi Ravshan Dastirov, olimpiya o'yinlari sovrindori, kurash va dzyudo bo'yicha jahon chempioni Abdulla Tangriev, O'zDJSTU birinchi prorektori SHerzod Mirzanov, Milliy kurash turlari nazariyasi va uslubiyati kafedrasi mudiri Nuriddin CHorshamiev va boshqalar ishtirok etib, sportchilarga omad tilashdi.

– Bugun 6 sentyabr – kurash milliy sporti kuni joylarda tantanali nishonlanmoqda, - deydi Milliy kurash turlari nazariyasi va uslubiyati kafedrasi mudiri Nuriddin CHorshamiev. – Quvonch bilan takidlash joiz, milliy kurashimiz dunyo bo'ylab keng quloch yozmoqda. Bugun o'zbek kurashi dunyoning 140 ta mamlakatida o'z o'rinini topgan. O'zbekiston Respublikasi Prezidentining 2017 yil 2 oktyabridagi qaroriga ko'ra 6 sentyabr - kurash milliy sporti kuni deb belgilangan.

SHu bois, har yili ushbu sanani munosib tarzda o'tkazish uchun universitetimizda tadbir tashkil etilib, musobaqa o'tkazish ananaga aylangan. Xalqimizning ko'p ming yillik qadriyatlarini o'zida mujassam etgan kurashni yoshlar o'rtasida yanada targ'ib qilish, o'sib kelayotgan yosh avlodni sog'lom va barkamol voyaga etkazish, qolaversa, milliy sport turlarimiz bo'yicha munosib kadrlar tayyorlash ham asosiy maqsadlarimizdan sanaladi.