P4P reytingi yangilandi. Jonsning g'alabasidan keyin Maxachev o'z o'rnini saqlab qoldimi?

UFC 309 turnirining asosiy jangida chempionlik kamarini muvaffaqiyatli himoya qilgan Jon Jons g'alabasiga qaramay, reytingda birinchi o'ringa ko'tarila olmadi. Amerikalik aralash yakkakurash ustasi 3-pog'onadan 2-o'ringa ko'tarilib oldi. Yarimog'ir vazn chempioni Aleks Pereyra aksincha, 2-pog'onadan 3-o'ringa tushdi.

Reytingda hamon engil vazn (70 kg) toifasi chempioni rossiyalik Islam Maxachev peshqadamlik qilyapti. Sobiq UFC chempioni CHarlz Oliveyra Maykl CHendler ustidan qozongan g'alabasi evaziga Top-15 reytingiga kirib oldi.   

UFC. Pound-For-Pound reytingi (Top-10):

1. Islam Maxachev (Rossiya)

2. Jon Jons (AQSH)

3. Aleks Pereyra (Braziliya)

4. Iliya Topuriya (Gruziya)

5. Belal Muhammad (AQSH)

6. Drikus dyu Plessi (Janubiy Afrika)

7. Merab Dvalishvili (Gruziya)

8. Tom Aspinall (Buyuk Britaniya)

9. Leon Edvards (Buyuk Britaniya)

10. Aleksandr Volkanovski (Avstraliya).