Panarin "Reynjers"ning barcha davrlar rekordini yangiladi

Sanrayzdagi "Amerant Bank Arena"da o'tgan bahsda "Florida Panterz" 5:3 hisobida g'alaba qozondi. Mehmonlarning rossiyalik hujumchisi Artemiy Panarin gollarning biriga hammualliflik qildi.  

Bu bilan Panarin o'z klubi tarkibida 500-ochkosini jamg'ardi. Artemiy ushbu dovonni zabt etgan klub tarixidagi 14-o'yinchiga aylandi. Lekin o'yinlar soni bo'yicha u eng yaxshi natijaga erishdi. U 384 ta uchrashuvda muzga chiqib, 500 ochkoni rasmiylashtirdi. Bu yilgi mavsumda Panarin 34 ta uchrashuvda 17 ta gol kiritib, 23 ta assist qayd etdi.