Parij-2024 Olimpiadasida ishtirok etadigan ikkinchi velosportchimiz nomi ham malum!

Bu - Yanina Kuskova!

Kuskova Yanina Vasilevna 2001 yil 5 dekabr kuni Toshkent shahrida tug'ilgan. 2019 yildan buyon O'zbekiston terma jamoasi azosi. Murabbiyi Leysan Xayzieva. Parij-2024 yozgi Olimpiya o'yinlariga terma jamoa bosh murabbiyi Gleb Groysman qo'l ostida tayyorgarlik ko'rmoqda. Kuskova faoliyati davomida shosse hamda trek yo'nalishlaridagi Osiyo chempionatlarida 3 ta oltin, 3 ta kumush va 6 ta bronza medallariga egalik qilgan. Konya-2021 Islom birdamligi o'yinlarida 3 ta kumush medalni qo'lga kiritgan.

Veloshosse bo'yicha O'zbekiston ayollar terma jamoasi jahon reytingi orqali Parij-2024 yozgi Olimpiya o'yinlariga shosse dasturida 3 ta yo'llanmaga ega bo'lgan. Terma jamoa murabbiylar shtabining qaroriga ko'ra, Kuskova guruh poygasi dasturida yurtimiz sharafini himoya qiladi.