Parkentda kurash va belbog'li kurash bo'yicha Respublika ochiq turniri o'tkazildi

Parkent tumani hokimligi, Parkent tumani prokuraturasi, O'zbekiston belbog'li kurash federaciyasi, Toshkent viloyati kurash federaciyasi hamda Parkent tuman sport maktabi hamkorligida o'tkazilgan bayram sayli doirasidagi belbog'li kurash va kurash bellashuvlarida mamlakatimizning deyarli barcha viloyatlaridan 300 nafarga yaqin sportchilar ishtirok etishdi. 

Polvonlar kurash bo'yicha 73, 81, 90, 100, +100 kilogramm vazn toifasida, belbog'li kurash bo'yicha esa 55, 60, 66, 73, 81, 90, +90 kilogramm vazn toifasida o'z imkoniyat va mahoratlarini namoyish etishdi.

Ertalabdan boshlangan saralash bahslari kurash va belbog'li musobaqasini tomosha qilishga tashrif buyurgan muxlislar uchun haqiqiy sport bayramiga aylanib ketdi.

Kunning ikkinchi yarmida turnirining tantanali ochilish marosim tashkil etildi. Unda Parkent tuman hokimi Sardor Isoqulov, Osiyo belbog'li kurash konfedraciyasi prezidenti Mo'min Muratov, Oliy majlis qonunchilik palatasi deputati Zuxra Mirgazieva, O'zbekiston belbog'li kurash federaciyasi raisi Ravshan Dastirov va boshqalar ishtirok etdi. 

Marosimda so'z olganlar Davlatimiz rahbari tomonidan milliy sportimiz bo'lgan kurash va belbog'li  kurashni rivojlantirishga ko'rsatilayotgan amaliy yordam va etiborni yana bir bor etirof etishdi. 

SHundan keyin parkentlik bir qator belbog'li kurash fidoiylariga, faxriy polvonlarga ko'p yillik samarali mehnatlari uchun O'zbekiston sport faxriylari kengashi raisi Bahodir Maxsitov tamonidan “O'zbekiston Respublikasi sport faxriysi” ko'krak nishoni topshirildi. 

SHuningdek, O'zbekiston belbog'li kurash federaciyasi raisi tomonidan ham mazkur sport turini rivojlantirishga qo'shayotgan hissasi uchun bir nechta sport fidoyilariga tashakkurnoma va esdalik sovg'alari topshirildi.  

Bellashuvlarining yarim final, final bosqich uchrashuvlari murosasiz va qiziqarli lahzalari bilan muxlislarga zavq va shavq baxshida etdi. Kurash va belbog'li kurash bo'yicha eng zo'r, mahoratli polvonlar g'oliblikni qo'lga kiritdi.

Belbog'li kurash g'oliblari: 

55 kg. Ortiq Anborboev (Toshkent v.) 

60 kg. Doniyor Abdurahmonov (Parkent t) 

66 kg. SHerzod Eliboev (Buka t.)

73 kg. Kamron Namozboev (Olmaliq sh) 

81 kg. Diyor SHodmonov (Toshkent v) 

90 kg. Husan Abduhakimov (Sirdaryo v.) 

+90 kg. Bobur To'xtasinov (Farg'ona v.) 

Kurash g'oliblari: 

73 kg. Dilshod Bo'riev

81 kg. Temur Jo'raev

90 kg. Alixon  Nodirov

100 kg. Amirsaid Jillaev

+100 kg. Islom Nosirov

Musobaqa so'nggida belbog'li kurash va kurash bo'yicha g'olib va sovrindorlar turnir tashkilotchilari tomonidan medal, diplom va qimmatbaho  sovg'alar bilan taqdirlanishdi.

Ilhom RAHMONOV tayyorladi