Petr Yan UFC bilan uch yillik shartnoma imzoladi + FOTO

Rossiyalik aralash yakkakurash ustasi dunyoning eng kuchli Ligasi bilan uch yillik shartnoma imzoladi. Bu haqda Yanning o'zi ijtimoiy tarmoqdagi sahifasi orqali xabar berdi. 

"Bugun UFC bilan yangi shartnoma imzoladim. Uch yil tig'iz mehnat. Meni izlamanglar. Hammangizni yaxshi ko'raman!", - deya surat va uning ostida izoh qoldirgan Petr Yan.

Eslatib o'tamiz, 31 yoshli Yan shu yilning mart oyida xitoylik Song Yadongni ochkolar hisobiga ko'ra mag'lubiyatga uchratib, o'zining uchta mag'lubiyatdan iborat yoqimsiz seriyasiga yakun yasagandi. U 23 noyabr kuni Makaoda o'tkaziladigan UFC Fight Night 248 turnirida yana bir sobiq chempion braziliyalik Deyveson Figeredoga qarshi oktagonga ko'tariladi. Petr ayni paytda UFC reytingida 3-o'rinni egallab turibdi.