Peyj Vanzant nima uchun UFC'ga qaytmasligini aytdi

"Men kareramni ertaroq tugatib, moliyaviy tomonlama ozod bo'lishim mumkin edi. Bolalarim esa moliyaviy erkinlikka juda yaqin bo'lardi. Men o'zim uchun nom qozonish baxtiga muyassar bo'ldim. UFC'da ko'p mehnat qilganimni bilaman. UFC bilan shartnomam tugagach, men u erdan ketdim. Xayriyatki, BKFC bilan shartnoma imzoladim. Ular taklif etgan shartnoma ajoyib. Bu menga ko'p eshiklarni ochdi.

Albatta, men UFC'ni yaxshi ko'raman. Ularning bunchalik muvaffaqiyat qozonishining sababi bor. Buni o'zlari ham juda yaxshi biladilar.

Ammo, ular menga etarlicha pul to'lamagan. Boshqa ular uchun jang qilmayman. UFC'ga qaytish uchun hech qanday sabab ko'rmayapman. Menga omad kulib boqdi. O'zimni malum darajaga olib chiqdim", - deya Peyj Van Zant so'zlaridan iqtibos keltiradi MMA Fighting.

U 2020 yil 11 iyul kuni UFC 251 musobaqasida Amanda Ribasga (11-2) mag'lub bo'lganidan so'ng tashkilotni tark etgandi.

Eslatib o'tamiz, sportchi xozirda BKFC promousheni bilan shartnoma imzolagan.