Polvonlarimiz Hindistonda xalqaro "Do'stlik Kubogi"da ishtirok etadi

Mazkur festival doirasida O'zbekiston, Rossiya va Hindiston davlati o'rtasida belbog'li kurash bo'yicha xalqaro "Do'stlik" deb nomlangan turnir ham o'tkaziladi. 

Ushbu xalqaro musobaqada ishtirok etish uchun terma jamoamiz kecha tunda O'zbekiston belbog'li kurash federaciyasi raisi Ravshan Dastirov boshchiligida Osiyo belbog'li kurash konfedraciyasi prezidenti Mo'min Muratov, Osiyo belbog'li kurash konfedraciyasi prezidenti yordamchisi Bekzod Boltabaev, terma jamoa bosh murabbiy Oybek Mullaboev, xalqaro toifadagi hakamlar Elmurod Abdullaev, Jamshidbek Egamov va polvonlarizmizdan iborat 20 kishilik delegaciya Islom Karimov nomidagi Toshkent xalqaro aeroportidan Hindiston davlati tomon yo'l olishdi. 

Ushbu xalqaro turnir doirasida O'zbekistoning Hindistondagi elchixonasi ko'magida Hindistonning bir qator vazirlik va idoralarining yuqori lavozimdagi masullari, parlament azolari bilan Osiyo belbog'li kurash konfedraciyasi hamda O'zbekiston belbog'li kurash federaciyasi o'rtasida hamkorlikka oid uchrashuvlar tashkil etiladi. 

SHuningdek, O'zbekiston belbog'li kurash federaciyasi va Hindiston belbog'li kurash federaciyasi o'rtasida ikki tomonlama belbog'li kurashni yanada rivojlantirishga oid  memorandum imzolanishi ham rejalashtirilgan.

Ilhom RAHMONOV tayyorladi