Polvonlarimiz jahon chempionatida 13 ta medal qo'lga kiritishdi + FOTO

Etiborlisi, sport delegaciyasi rahbari O'zbekiston belbog'li kurash federaciyasi raisi Ravshan Dastirov, murabbiy SHavkat Mirzaqulov boshchiligidagi terma jamoamiz mazkur jahon chempionatida ishtirok etib, 2 ta oltin, 6 ta kumush va 5 ta bronza medalini qo'lga kiritdi. 

Bundan tashqari ot ustida kurash bo'yicha ham jahon chempionati o'tkazildi va ushbu bellashuvlarda hamyurtimiz Xolbek Sultonov 100 kg vazn toifasida bronza medaliga ega bo'ldi. Aynan sportchilarimiz qo'lga kiritgan medallar sabab madhiyamiz yangrab, bayrog'imiz sarbaland ko'tarildi. 

Jahon chempionatining tantanali taqdirlash marosimida O'zbekiston sport kurashlari associaciyasi raisi, O'zbekiston Milliy Olimpiya qo'mitasi raisi o'rinbosari Salim Abduvaliev, Osiyo belbog'li kurash konfedraciyasi prezidenti Mo'min Muratov, O'zbekiston belbog'li kurash federaciyasi raisi Ravshan Dastirov, jahon Kokpar associaciyasi prezidenti Erkin Afzalov , erkin kurash bo'yicha Olimpiya o'yinlari g'olibi, sportimiz faxri Artur Taymazovlar ishtirok etdi. 

G'olib va sovrindorlar:

Yoshlar o'rtasida koresh 

Kumush medallar

65 kg. Muhammadjon Abdukarimov

110 kg. Baxtiyor Sanginov

Kattalar o'rtasida koresh

Kumush medallar

65 kg. Diyorbek Saydullaev 

75 kg. Nusrat Yuldoshev 

100 kg. Zaylobiddin Ortiqov 

Bronza medallar 

85 kg. Ilyos Ahmadov 

90 kg. Husan Abduhakimov

Kattalar o'rtasida sohil koresh

Oltin medal

80 kg. Xolmirza Hasanboev 

85 kg. Og'abek Amatboev

Kumush medal

90 kg. Ulug'bek Eshiev

Bronza medallar

60 kg. Jo'rabek Jalilov

70 kg. Abdurahmon Egamov

75 kg.  Zohidjon Raimqulov 

G'olib va sovrindorlar diplom, medal va pul mukofotlari bilan taqdirlanishdi.

Ilhom RAHMONOV tayyorladi