28 iyu 09:08
Yangiliklar

Kurash

Polvonlarimiz jahon chempionatida 7 ta medal qo'lga kiritishdi

24-27 iyun kunlari Rossiya federaciyasining Qozon shahrida belbog'li kurash (poyasnoy borbe koresh) bo'yicha 2004-2005 yillarda tug'ilgan yoshlar o'rtasida jahon chempionati bo'lib o'tdi.

Mazkur dunyo birinchiligida olti nafar jizzaxlik, bir nafar xorazmlik polvonlardan iborat terma jamoamiz azolari ham Vatanimiz sharafini himoya qilishdi.

SHu o'rinda takidlash joiz, 2021 yil noyabr oyida Jizzax shahrida o'tkazilgan jahon chempionati doirasida Tatariston Respublikasi Sport vaziri o'rinbosari Xalil SHayxutdinov hamda Jizzax viloyati hokimi Ergash Saliev o'rtasida jismoniy tarbiya va sportni rivojlantirish borasida hamkorlik memorandumi imzolangandi.

Mazkur memorandumga muvofiq Tatariston Respublikasi sport vaziri Vladimir Leonov va Xalqaro belbog'li kurash (poyasnoy borbe koresh) federaciyasi taklifiga ko'ra, Jizzax viloyati hokimligi, shuningdek, O'zbekiston Respublikasi bosh prokraturasi, xususan, Jizzax viloyati prokurori, viloyat kurash federaciyasi raisi Islomjon Ergashxodjaev say-harakatlari bilan sportchilarimizdan iborat delegaciyamiz ushbu jahon chempionatida munosib ishtirok etishdi.

SHuningdek, jahon chempionatida Osiyo belbog'li kurash konfedraciyasi raisi Mo'minxo'ja Muratov, O'zbekiston Respublikasi bosh prokraturasi xodimi Sarvar Erkinov hamda O'zbekiston belbog'li kurash federaciyasi raisi Ravshan Dastirovlar ham ishtirok etib, belbog'li kurashni yanada ommalashtirish xususida muzokoralar o'tkazishdi. Belbog'li kurash bo'yicha Xorazm viloyati bosh murabbiyi, xalqaro toifadagi hakam Bekbergan Boltaev esa hakamlar guruhida chempionatni baholab bordi.

Quvonarlisi, ushbu jahon chempionatida 20 ga yaqin davlatlardan yig'ilgan eng sara sportchilar o'rtasidagi bellashuvlarda Usmon Mahamatov murabbiyligidagi polvonlarimizdan 60 kg. da Asadbek Mamataliev kumush, 65 kg. da Muhammadrasul Muhammadjonov bronza, 70 kg. da Azimjon Akbarov kumush, 75 kg. da Sardor Jumaboev kumush, 80 kg. da Ziyodulla Valijonov bronza 90 kg. da Jahongir Jumaboev kumush medal va 100 kg. da Marat SHaxmaev kumush medalni qo'lga kiritib, umumjamoa hisobida faxrli ikkinchi o'rinni egallashga muvaffaq bo'lishdi.