08 dek 14:43
Yangiliklar

Kurash

Polvonlarimiz jahon chempionatida ishtirok etishadi

9-13 dekabr kunlari Rossiya davlatining Qozon shahrida belbog'li kurash (borba na poyasax) bo'yicha kattalar o'rtasida jahon chempionati bo'lib o'tadi.

Mazkur jahon chempionatiga puxta hozirlik ko'rgan belbog'li kurash bo'yicha erkaklar va ayollardan iborat terma jamoamiz (bosh murabbiy Azamjon SHokirjonov) ham munosib ishtirok etishlari uchun ertaga Qozon shahriga jo'nab ketishadi.

10 dekabrdan start oladigan jahon chempionati musobaqasida erkaklar belbog'li kurashning klassik va erkin yo'nalishda 8 ta vazn toifasida, xotin-qizlar esa 5 ta vazn toifasida kurash tushishadi.

Belbog'li kurash bo'yicha milliy terma jamoamiz tarkibidan joy olgan sportchilardan 57 kg. vazn toifasida Oybekjon Hamidov (Namangan), 62 kg.da Husanboy Nosirov (Andijon), 68 kg.da Oybek Sultonov (Andijon), 75 kg.da Nusratbek Sultonboev (Andijon), 82 kg.da Husniddin Ro'ziev (Andijon), 90 kg.da Zaylobiddin Ortiqov (Toshkent sh.), 100 kg.da Azamjon Anvarjonov (Andijon), +100 kg.da SHerzod Rahimov (Farg'ona)lar belbog'li kurashning klassik yo'nalishida musobaqalarda ishtirok etishadi.

Xotin-qizlar o'rtasida belbog'li kurashning erkin yo'nalish bo'yicha bellashuvlarda 52 kg.da Madinaxon Akramova (Andijon), Farangiz Abdunabieva (Sirdaryo), 57 kg.da Manzuraoy Mo'ydinova (Farg'ona), 66 kg.da Zemfira Azatova (Qoraqalpog'iston), 66 76 kg.da Dilafro'z Mamajonova (Namangan), +76 kg.da Anife Kurtseitova (Andijon), Sabohat SHeralieva (Farg'ona) g'oliblik uchun kurash tushadi.

Belbog'li kurashning erkin yo'nalish bo'yicha erkaklar o'rtasida esa 57 kg.da Abbosjon Hamidov (Farg'ona), 62 kg.da Mamirjon Sulaymonov (Farg'ona), 68 kg.da Xolmirza Hasanboev (Toshkent sh.), 75 kg.da SHavkat Umarov (Farg'ona), Ilhomjon Mashrabov (Andijon), 82 kg.da Azizbek Sodiqov (Farg'ona), 100 kg.da Obidali Mavlonov (Farg'ona), +100 kg.da Davron Abdurahmonov (Farg'ona)lar yurtimiz shanini himoya qilishadi.

SHuningdek, xalqaro toifadagi hakamlarimizdan Nematulla To'ychiev, Mironshoh Ro'ziev, Toshkentboy Yaxshiboev hamda Sergey Txaklar ushbu jahon chempionatida hakamlik qilishadi. Belbog'li kurash bo'yicha Rossiyaga yo'l olayotgan sport delegaciyamizga O'zbekiston belbog'li kurash federaciyasi raisi Ravshan Dastirov rahbarlik qiladi.

Polvonlarimizga jahon chempionatida kuchlilar qatoridan joy olishida muvaffaqiyat tilaymiz!