Popda yosh belbog'li kurashchilar mamlakat chempionligi uchun bellashishmoqda + FOTO

Mazkur O'zbekiston chempionatida Qoraqalpog'iston Respublikasi, Toshkent shahri va barcha viloyatlardan 400 nafarga yaqin sportchi-o'quvchilar belgilangan vazn toifalarida g'oliblik uchun kuch sinashishmoqda.  

Musobaqa reglamintiga ko'ra, dastlab chempionatning tantanali ochilish marosimi tashkil etildi. Bayramona bezatilgan sport zalida o'tgan ochilish marosimida so'z olgan O'zbekiston belbog'li kurash federaciyasi raisi Ravshan Dastirov va boshqalar yurtimizda jismoniy tarbiya va sportga, xususan, milliy sport turlarimizga qaratilayotgan yuksak etibor xususida alohida to'xtalib, musobaqa ishtirokchilariga omad tilashdi.

SHundan so'ng bellashuvlarga start berildi. Belbog'li kurash federaciyasi bosh kotibi Abdixalil Malikov boshchiligidagi musobaqa tashkilotchilari bellashuvlarni qizg'in va ko'tarinki ruhda o'tishini taminlayotgan bo'lishsa, hakamlar hayati raisi Toshkentboy Yaxshiboev rahbarligida bir guruh tajribali hakamlar har bir vazn toifasida polvonlarning chiqishlarini baholab borishmoqda. 

Popdagi chempionat 12 aprelga qadar davom etadi.

Ilhom RAHMONOV tayyorladi