"Prezident sovg'asi" - "Matiz" va "Damas" uchun kurash hamda ko'pkari musobaqasi o'tkazildi

Jumladan, kuni kecha Buxoro viloyatining Kogon tumanida Qishloq xo'jaligi xodimlari kuni va Hosil bayrami munosabati bilan kurash va ko'pkari musobaqalari o'tkazildi. SHuningdek, katta bayram tadbiri va ommaviy sayllar bo'lib o'tdi.

Kurash musobaqasida Respublikamizning deyarli barcha viloyatlaridan 1000 nafarga yaqin katta, kichik polvonlar g'oliblik uchun gilamga chiqishdi. Mazkur musobaqada 1-o'rin jondorlik polvon Erkin Doniyorovga nasib etdi va Buxoro viloyati hokimi tomonidan bosh sovrin “Spark” avtomashinasi hamda 1 ta ot va 1 ta tuya bilan taqdirlandi.

2-o'rinni egallagan jondorlik Nurbek To'raev 1 ta tuya va 3-o'rinni egallagan xorazmlik polvonga 1 ta ot sovg'a qilindi. Sovg'alarni shaxsan viloyat rahbari va shu bilan birga viloyat kurash federaciyasi raisi O'ktam Barnoev hamda O'zbekiston milliy kurash federaciyasi raisi o'rinbosari Komil Yusupov topshirdi.

Undan tashqari o'z vaznlarida g'olib bo'lgan qolgan polvonlarimiz ham qimmatbaho sovg'alar va 30 dona qo'chqorlar bilan taqdirlanishdi.

SHuningdek, bayram tadbirida ko'pkari musobaqasi ham bo'lib o'tdi. Unda birinchi o'rinni qo'lga kiritgan chavandozga ham “Spark” avtomashinasi sovg'a qilindi.