Professionallar o'rtasida jahon chempionlari “Rio-2016”ga yo'l olishdi

Etiborlisi, ushbu saralash bahslarida professional boksda faoliyat yuritgan va xatto jahon chempionlik kamarini qo'lga kiritgan charm qo'lqop ustalari ham ishtirok etishdi.

Nafaqat ishtirok etishdi, balki Rio-2016 yo'llanmalarini ham qo'lga kiritishdi. Saralashda jami to'rt nafar professional bokschi – 23 yoshli Karlos Suares (Trinidad va Tabago), 35 yoshli Geard Ayetovich (Serbiya), engil vazn toifasida sobiq jahon chempioni 36 yoshli Amnat Ruenroeng (Tailand) hamda yana bir sobiq jahon chempioni 32 yoshli Xassan N’Dam N’Jikam (Kamerun) qatnashdi.

Ulardan Suares va Ayetovich ilk bosqichdayoq mag'lubiyatga uchrab, musobaqani tark etishdi. Ancha tajribali bo'lgan Ruenroeng va N’Jikam esa mos ravishda 60 va 81 kg vazn toifalarida finalga qadar etib borib, Olimpiada yo'llanmasini qo'lga kiritishdi.