10 jan 10:53
Yangiliklar

Dzyudo

Prokuror kubogi musobaqasida Toshkent jamoasi g'olib!

Poytaxtimizning Yakkasaroy tumani Qushbegi mavzesida joylashgan ikkinchi Bolalar-o'smirlar sport maktabida dzyudo bo'yicha musobaqa o'tkazildi.

Unda poytaxtlik dzyudochilardan tashqari Toshkent va Samarqand viloyatidan kelgan jami oltita jamoa ishtirok etdi. Yakkasaroy tumani prokurori kubogi uchun o'tkazilgan musobaqa yakunida Toshkent shahri jamoasi birinchi o'rinni egalladi.

Kuchli uchlikdan poytaxt viloyati hamda Toshkent oliy sport mahorati maktabi jamoalari joy olishdi. Musobaqa yakunida g'olib va sovrindorlarga tashkilotchilar tomonidan kubok, diplom hamda esdalik sovg'alari topshirildi.