Qamashida milliy kurash bo'yicha musobaqa o'tkazildi FOTOREPORTAJ

Sport maktabi mamuriyati tomonidan tashkil etilgan musobaqada Qarshi shahri, Yakkabog' va Kitob tumanlarining umumiy o'rta talim maktablaridagi kurash to'garaklarida qatnashayotgan 260 nafardan ziyod yosh polvonlar jami 20 ta vazn toifasida gilamida o'zaro bellashishdi. 

Musobaqa yakunida umumjamoa hisobida mezbonlar - Qamashi tuman BO'SM-2 jamoasi birinchi o'rinni qo'lga kiritdi. Qarshi shahrining “Kurash” markazi jamoasi ikkinchi, Kitob tuman jamoasi esa uchinchi o'rinni egalladi. 

Darhaqiqat, davlatimiz rahbari 2020 yil 4-noyabrdagi “Kurash milliy sport turini rivojlantirish va uning xalqaro nufuzini yanada oshirish chora-tadbirlari to'g'risida”gi qarori mardlik, jasurlik, vatanparvarlik, gumanizm g'oyalarini o'zida mujassam etgan milliy sportimiz bo'lgan kurashni ommalashtirish muhim ahamiyat kasb etadi, - deydi Qamashi tuman 2-sonli bolalar-o'smirlar sport maktabining “Kurash” bo'limi  murabbiyi, musobaqa tashkilotchisi Abdulaziz Xursanov. - Qaror doirasida qabul qilingan “Yo'l xaritasi” belgilangan chora-tadbirlar esa kurashni kelgusida Xalqaro olimpiya o'yinlari dasturiga kiritishga xizmat qiladi.

G'oliblarni sport maktabi mamuriyati, tuman "Mahalla" xayriya jamg'armasi mutaxassisi Rustam Eshmamatov, "Ulug'bek" mahallasi raisi o'rinbosari Barat Qo'chqorovlar qutlab, ularga diplom, medal va esdalik sovg'alarini topshirdi.

Faxriddin CHoriev, saytimizning Qashqadaryodagi muxbiri