Qamashilik bolalar uy sharoitida mashg'ulotlarga zo'r berishmoqda FOTOGALEREYA

Jumladan, viloyat boshqarmasi tasarrufidagi Qamashi tuman bolalar-o'smirlar sport maktabi tarbiyalanuvchilari ham uy sharoitida masofadan trenerlari ko'rsatmalariga amal qilib, mashg'ulotlarni davom ettirishmoqda. 

Tumanda yagona bo'lgan ushbu bolalar-o'smirlar sport maktabi tarbiyalanuvchilarining ko'pchiligi milliy va xalqaro musobaqalarning sovrinlarini qo'lga kiritishga muvaffaq bo'lishgan.  

Mazkur sport maktabida boks, dzyudo, taekvondo (ITF), taekvondo (VTF), kurash, belbog'li kurash, qo'l to'pi, voleybol, qo'l jangi, engil atletika, futbol, stol tennisi, badiiy gimnastika, og'ir atletika, shaxmat-shashka kabi jami o'n beshta sport turi mavjud bo'lib, 1565 o'g'il-qiz 35 nafar tajribali murabbyilar qo'l ostida mahoratlarini oshirib borishadi.   

Sport maktabi direktori Dilshod Berdievning takidlashicha, o'g'il-qizlarning o'zlari tanlagan sport turlari bo'yicha emin-erkin shug'ullanishlari uchun shart-sharoitlar etarlicha yaratilgan. Maqsad – ommaviylikni taminlab, sportga oshno bolalarni katta sport sari etaklash va terma jamoalarga munosib izdoshlar tayyorlash.   

Yuksak orzulari sari odimlayotgan sport maktabi yoshlari karantin sabab bugun uyda. Biroq mashg'ulotlar rejaga ko'ra masofadan davom ettirilmoqda. 

Ilhom RAHMONOV tayyorladi, o'z muxbirimiz