"Qaror qabul qildim". G'ofur Rahimov murojaat bilan chiqdi

«So'nggi bir yarim yil davomida tashkilotimizdagi vaziyatni barqarorlashtirish yo'lida bosilgan qadamlarni maqullab, qo'llab-quvvatlab turganingizni doimo his qilib turdim», — deyiladi bayonotda.

G'ofur Rahimovning qayd etishicha, boksdagi islohotlarning og'ir davri «siyosiy asoslangan yolg'on ayblovlarga qarshi uning shani va qadr-qimmatini himoya qilish»ga qaratilgan jarayonlar bilan bir vaqtga to'g'ri kelib qoldi. 

«Ushbu jarayonlar mening nomimni yolg'on ayblovlardan tozalashni tezlashtirish uchun sud va boshqa yig'ilishlarda muntazam qatnashishimni talab qiladi. CHuqur qayg'u bilan AIBA prezidenti lavozimidan zudlik bilan istefo berish haqida qaror qabul qildim», — deya xulosa qilingan Rahimovning murojaatida.

G'ofur Rahimov 2018 yil noyabrida AIBA rahbariga aylangan edi. AIBA rahbarligiga saylovlar arafasida AQSH Moliya vazirligining Xorijiy aktivlar ustidan nazorat bo'yicha departamenti G'ofur Rahimov sankciya ro'yxatiga kiritgan edi.

O'shanda Xalqaro olimpiya qo'mitasi (XOQ) G'ofur Rahimovni AIBA rahbarligiga uning nomzodi ilgari surilishi boksning Olimpiya o'yinlaridagi maqomiga salbiy tasir qilishi mumkinligi haqidagi ogohlantirgani malum bo'lgandi.