Qarshidagi futbol mahorati maktabida bayram tadbiri o'tkazildi

Xususan, Qarshi shahridagi Qashqadaryo viloyati futbol mahorat maktabida ham 14 yanvar - Vatan himoyachilari kuniga bag'ishlangan bayram tadbiri bo'lib o'tdi.

Yosh avlodni vatanparvarlik va fidoylik ruhida tarbiyalash, milliy armiyamizga bo'lgan qiziqishlarini oshirish maqsadida “Kim vatanga sodiq bo'lsa, mendurman o'sha!” shiori ostida tashkil etilgan mazkur manaviy-marifiy tadbirda faxriylar, ota-onalar, o'quvchi-yoshlar, keng jamoatchilik ishtirok etishdi.

Dastlab, bayram tadbirining tantanali ochilish marosimi tashkil etildi. Tadbirni futbol mahorat maktabi direktori, “O'zbekistonda xizmat ko'rsatgan yoshlar murabbiyi” Nurali Sultonov tabrik so'zi bilan ochib, barchani ushbu qutlug' sana bilan tabrikladi.

SHuningdek, tabrik uchun so'z olgan Qarshi shahar mudofaa ishlari bo'limi boshlig'i Baxtiyor Sultonxo'jaev, futbol mahorati maktabining manaviyat va marifat ishlari bo'yicha direktor o'rinbosari SHavkat Ro'zievlar yurtimiz tinchligi va chegaralarimiz daxlsizligini taminlashda fidoyi harbiylarimizning mashaqqatli mehnatlari yuksak ekanligini takidlab o'tishdi.

SHundan so'ng Qarshi garnizoni manaviyat va marifat markazi harbiy orkestri ishtirokidagi Vatanni madh etuvchi kuy-qo'shiqlardan iborat koncert dasturi tadbiriga yanada bayramona zavq-shavq bag'ishladi.

Bir so'z bilan aytganda, futbol mahorati maktabida Vatan himoyachilari kuni bayrami ko'tarinki ruhda tashkil etildi.

Ilhom RAHMONOV tayyorladi