Qashqadaryo hokimi velosipedda shahar bo'ylab sayr qildi

O'zbekiston Respublikasi Prezidentining 2020 yil 30 oktyabrdagi «Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida»gi PF-6099-sonli farmoni ijrosini taminlash maqsadida aholining barcha qatlamlari o'rtasida «Velosayr» va «Ommaviy yurish» tadbirlari o'tkazildi. 

Xabarga ko'ra, viloyat sektor rahbarlari, korxona va tashkilotlar boshliqlari hamda aholining barcha qatlamlari «Velosayr» va «Ommaviy yurish» tadbirlarida ishtirok etgan.

Tadbir yakunida rahbarlar aholi foydalanishi uchun yangidan bunyod etilayotgan 200 o'rinlik veloparkka o'z velosipedlarini sovg'a qilib ketishdi. Bu kabi sog'lomlashtirish tadbirlari viloyatimiz bo'ylab doimiy tashkil etib boriladi.